९ जेठ, दाङ । पवित्र धार्किकस्थल स्वर्गद्वारीमा सुविधा सम्पन्न धर्मशाला निर्माण गर्ने उद्देश्यले आयोजना गरिएको महोत्सव एवम् श्रीमद्भागवत ज्ञान महायज्ञ सप्ताहमा आजसम्ममा रु एक करोड ४० लाख अर्थ सङ्कलन भएको छ ।
महोत्सव संयोजक प्युठान उद्योग वाणिज्य सङ्घका अध्यक्ष सूर्य विकका अनुसार नगद, भू-दान र अन्य दान गरी आज बिहानसम्म उक्त रकम सङ्कलन भएको हो । धार्मिक महोत्सवमा दाङ, प्युठान र रोल्पावासीको उल्लेख्य सहभागिता रहेको छ ।
महोत्सवमा प्युठान जन्मभई अन्यत्र बसोबास गरेकाहरूले पनि उल्लेख्य रुपमा सहभागिता जनाएका छन् । गत जेठ ३ गतेदेेखि प्युठानको भिङ्ग्री जुलुकेमा सुरु भएको महायज्ञको उपराष्ट्रपति परमानन्द झाले उद्घाटन गर्नुभएको थियो । रासस
Kantipur Fm 
0 commentaires