सुर्खेतमा गोली चल्यो विभिन्न स्थानमा गरी ३ जनाको मृत्यु

काठमाडौं, ३ वैशाख जनकपुरबाट काठमाडौँतर्फ आउँदै गरेको ना ३ ख ७१३४ नं लाई चितवनको भरतपुरबाट हेटौँडातर्फ गइरहेको ना २ ख ९९७१ नं को ट्रकले पूर्वपश्चिम राजमार्ग मनहरीको ज्यामीरेमा ठक्कर दिदा मकवानपुरका ५० वर्षीय चालक गोविन्द कँडेलको मृत्यु भएको हो । वसको ठक्करवाट अन्य ६ जना यात्रु घाईते भएका छन् भने ठक्कर दिने ट्रकका चालक फरार रहेको जिल्ला प्रहरी कार्यालय कमवानपुरले जनाएको छ ।

उता मुस्ताङ्गमा लेक लागेर एक तिर्थयात्रीको मृत्यु भएको छ । मुक्तिनाथ तिर्थयात्राका लागि आएका ७० वर्षिय एक भारतिय तिर्थयात्रुको मृत्यु भएको हो । मुस्ताङ्ग जिल्ला अस्पतालका प्रमुख डाक्टर भोजराज गौतमले दिनुभएको जानकारी अनुसार लेक लागेर हृदयघात भइ तिर्थयात्रीको मृत्यु भएको हो । लेक लागेर विरामीहुनेको संख्यामा पनि बृद्धि भएको उहाँले जानकारी दिनुभयो ।

त्यस्तै सुर्खेतको धुलियाविट नजिकै गए राति एक युवकको गोली हानी हत्या भएको छ । राति करिब ११ बजे साटाखानी ७ का ३० वर्षीय डम्बर थालमगरको अपरिचित समूहले गोली हानी हत्या गरेको जिल्ला प्रहरी प्रमुख राजु मानन्धरले जानकारी दिनुभयो । भारतमा भ्याक्कु चालकको रुपमा काम गर्दै गरेका मगरको घर आउँदै गर्दा वाटैमा हत्या भएकोले हत्याराले पिछा गरेर एकान्त पाएपछि हत्या गरेको हुनसक्ने प्रहरीको अनुमान छ । हाल शवलाई पोष्टपार्टमका लागी क्षेत्रिय अस्पताल कालागाउँमा लगीएको छ । हत्यावारे अनुसन्धान भइरहेको प्रहरीले बताएको छ ।

source:-dainikee