काठमाडौ, वैशाख ३ - चोट लाग्दा हुने दुखाइ र मन मिल्ने मान्छेसँग मुटु चुडिँदा हुने दुखाइ बेग्लाबेग्लै भए पनि दुवै घटनाका समय हुने पीडाको प्रतिक्रिया एकनासको हुन्छ ।
मुटुको दुखाइसमेत मस्तिष्कसँग जोडिएको हुन्छ । प्रोसेडिङ्स अफ नेसनल एकेडेमी अफ साइन्सेजमा प्रकाशित अनुसन्धान प्रतिवेदनअनुसार दुवै स्थितिमा मस्तिष्कको एउटै प्रतिक्रिया हुन्छ । युनिभर्सिटी अफ मिसिगन, कोलम्बिया युनिभर्सिटी र युनिभर्सिटी अफ कोलोराडोका अनुसन्धाताहरूले संयुक्त रूपमा यो महत्त्वपूर्ण जानकारी दिएका हुन् । उनीहरूले यो अनुसन्धानमा त्यस्ता ४० व्यक्तिलाई सामेल गरे जो हालै आपmना प्रेमी वा प्रेमिकाबाट अलग भएका थिए, भावनात्मक रूपमा दुःखी थिए ।
उनीहरूलाई तिनका प्रेमी र पे्रमिकाका तस्बिर देखाइयो अनि ब्रेन स्क्यानको माध्यमले उनीहरूको मस्तिष्कको अध्ययन गरियो । यसपछि उनीहरूलाई आठदेखि दस प्वाइन्ट पेन स्केलको शारीरिक पीडा दिइयो र फेरि ब्रेन स्क्यानरले मस्तिष्कको अध्ययन गरियो । एफएमआरआई स्क्यानरको माध्यमले मस्तिष्कको अध्ययन गरेपछि के पाइयो भने दुवै स्थितिमा मस्तिष्कको दुई विशेष खण्डमा रगत प्रवाहित भयो । मस्तिष्कको यो खण्डमा रक्त प्रवाहको कारणले तन्त्रिकाको माध्यमले दुखाइको अनुभव गरियो ।
अनुसन्धाताहरूका अनुसार मस्तिष्कका दुवै भाग एकअर्काका सामु हुन्छन् र रगत प्रवाह भएपछि तन्त्रिकाको माध्यमले दुखाइको अनुभव उत्पन्न गर्छन् । महिला बढी भावुककुनै जोडीमा झगडा हुँदा त्यसको चोट पुरुषले भन्दा बढी महिलाले अनुभव गर्छन् ।
विभिन्न परस्पर विरोधी स्थितिमा पुरुष र महिला एकअर्काबीच कस्तो भावना अनुभव गर्छन् भन्नेबारे गरिएको अध्ययनले यो तथ्य पत्ता लगाएको हो । धेरैजसो पुरूष शक्तिशाली भावनालाई क्रोध वा अपमानका रूपमा लिन्छन्, जसले संघर्ष अझ बढाउँछ ।
उक्त अध्ययनमा स्पेनको ग्रेनाडा विश्वविद्यालयका १ सय ४२ विद्यार्थीले भाग लिएका थिए, ७५ महिला र ६७ पुरूष थिए । सबै विद्यार्थीलाई संघर्षका पाँच फरकफरक स्थितिमा राखिएको थियो । परिणामअनुसार संघर्षको स्थितिमा पुरुष र महिलाको भावना फरकफरक हुन्छ ।
प्रेमी आफूसँग रिसाए वा अपमानजनक व्यवहार गरे युवतीहरू दुःखी अनुभव गर्छन् । झगडाका बेला केटासाथीले हातै हाले केटीसाथी चाहिँलाई झन् बढी निराशाको अनुभूति हुन्छ ।
केटासाथी मजाले कराए युवतीहरू पीडा महसुस गर्छन् भने केटीसाथीले त्यस्तो व्यवहार गरे युवकहरू लजाउँछन् । अध्ययनअनुसार झैझगडा हुँदा पुरुष क्रोध वा प्रतिशोध दर्साउँछन्, महिलाहरू डराउँछन् र एक्लिएको अनुभव गर्छन् ।
source:-kantipur
Kantipur Fm 
0 commentaires