८ माघ, लन्डन । बेलायतमा आर्थिक मन्दीको असर कायमै रहेकाले सन् २०११ मा बेरोजगारी सङ्ख्या अझै बढ्न सक्ने सङ्केत सर्वेक्षणहरूले देखाएको छ । इन्स्टिच्युट अफ पब्लिक पोलिसी रिसर्च (आइपीपीआर) का विज्ञहरूका अनुसार बेलायलमा रोजगारीको सिर्जनाका क्षेत्रहरू साधुरिएको कारण सन् २०११ मा बेरोगारीको सङ्ख्या अझै बढ्न सक्ने बताइएको छ ।
आइपीपीआरका प्रमुख अर्थशास्त्री टोनी डोलफिनका अनुसार बेलायतको अर्थतन्त्र सन्तोषजनक सुधार आउन नसकेको कारण त्यसको नकारात्मक प्रभाव रोजगारीको क्षेत्रमा परेको देखिएको छ । बेलायतमा बेरोजगारीको सङ्ख्या घटाउनका लागि कम्तीमा पनि दुई प्रतिशतको आर्थिक वृध्दिदर आवश्यक पर्ने बताउनुभयो । बेलायत सरकारको राष्ट्रिय तथ्याङ्क कार्यालयले गत महिनका लागि प्रकाशित गरेको तथ्याङ्कमा विगत तीन महिनामा करिब ३५ हजार बेरोजगार थपिएको देखाइएको छ ।
हाल बेलायतमा बेरोजगारको सङ्ख्या करिब २५ लाखको हाराहारीमा रहेको अनुमान गरिएको छ । करिब सात दशमलव नौ प्रतिशत बेरोजगार रहेको बेलायतमा पूर्ण रूपमा रोजगार नपाएकाहरू आˆनो क्षमताभन्दा तल्लो स्तरको काममा व्यस्त हुनुपर्ने बाध्यता मात्र नभएर पार्टटाइम रोजगारमा नै चित्त बुझाउनुपर्ने अवस्था बेलायतमा हाल धेरैले भोग्दै आएको समस्या हो ।
बेलायतमा सन् २०११ सरकारी क्षेत्रको रोजगारी सिर्जना खासै उत्साहजनक नरहे पनि निजी क्षेत्रले भने रोजगारीको अवसरहरूमा वृद्धि गर्न सकने राम्रो सम्भावना देखिएको भए पनि त्यो आवश्यकताको हिसाबले पर्याप्त नहुने भएकाले यस वर्षको मध्यसम्ममा बेरोजगारीको आठ दशमलव एक प्रतिशतसम्म पुग्ने अनुमान गरिएको छ । बेलायतको हालको आर्थिक वृद्धिदर भने एक दशमलव नौ प्रतिशत रहेको छ ।
source:-onlinekhabar
Kantipur Fm 
0 commentaires