काठमाडौ, पुस २२ - तुलसी घिमिरे निर्देशित दुई दशकअघिको चर्चित फिल्म 'चिनो' हेर्नुभएको थियो भने पक्कै पनि रातेकाइँलालाई भुल्नुभएको छैन होला । फिल्ममा खलपात्रमा देखिएका सुनील थापालाई अझै धेरैले रातेकाइँलाका नामबाट मात्रै बोलाउँदैनन्, उनले फिल्ममा बोलेको चर्चित संवाद 'रातेकाइँलालाई यो कुरा मन परेन' लाई सुनीलले पmयानको चित्त बुझाउन धेरै ठाउँमा बोल्नुपर्यो ।
पहिलोपटक खलपात्रलाई यति धेरै उचाइमा पुर्याएको उक्त फिल्मकै शीर्षक ठ्याक्कै मिल्नेगरी अहिले निर्देशक शोभित बस्नेतले बनाएको फिल्म पुस ३० मा देशव्यापी प्रदर्शन हुँदै छ । 'ऊ बेलाको चिनो सम्झनेबित्तिकै रातेकाइँलाको खुङ्खार चरित्र धेरैका आँखामै नाच्न थाल्छ,' नयाँ 'चिनो'का द्वन्द्वनिर्देशक राजेन्द्र खड्गीले भने, 'अहिले हामीले त्यो चरित्रलाई बिर्साउने गरी अर्को पात्र बनाएका छौं ।'
के छ त त्यो पात्रमा ? मंगलबार फिल्मका बारेमा जानकारी दिन आयोजित पत्रकार सम्मेलनमा निर्देशक बस्नेतले काजल म्याडमलाई स्टेजमा बोलाएपछि आँखाभरि गाजल लगाएको, काँधसम्म खुल्ला छोडिएको कालो कपालको -की) सफाचट अनुहार, केही उचालिएको छातीसहित मस्का लगाउँदै आइपुग्यो -पुगी) । उनी रहेछन्, फिल्ममा डरलाग्दो भिलेनमा देखिएका तेस्रोलिंगी चरित्रका उनै खड्गी -माथिको तस्बिर) । 'तेस्रोलिंगी पनि बलवान् हुन सक्छन् भन्ने सन्देश पनि दिएको छ,' फिल्मकै गेटअपमा सबैलाई चकित पार्दै देखिएका खड्गीले कार्यक्रममा पनि 'गे' -पुरुष तेस्रोलिंगी)कै शैलीमा बोलेका थिए ।
यो चरित्रका राजेन्द्रलाई जुरेकै रहेछ । 'पहिले यो चरित्रका लागि मैले अशोक शर्मालाई रोजेको थिएँ,' निर्देशक बस्नेतले चुनौतीपूर्ण अभिनयका लागि शर्माले नै न्याय गर्न सक्ने ठानेपनि उनले अन्त्यमा आएर व्यस्तताका कारण काम गर्न पाएनछन् । शर्माले पनि तेस्रोलिंगीको चरित्र सुन्नेबित्तिकै मन परेकाले दस दिनजति गृहकार्यका लागि तेस्रोलिंगीसँग संगत गरेको सुनाए । तर उनी निजी कामले विदेश जानुपर्ने भएपछि अभिनय गर्न पाएनछन् ।
त्यसपछि उक्त रोलका लागि बस्नेतले द्वन्द्वनिर्देशकलाई नै प्रस्ताव गरेपछि झस्याङ भए । 'पहिले त झस्किएँ, पछि श्रीमतीलाई यस्तो प्रस्ताव आ'छ के गरौं भनेपछि उनले अनुमति दिइन्, त्यो रात गाजल-साजल लाएर फोटो खिचँे । त्यसपछि सुहाउँछ कि भन्ने लाग्यो ।' राजेन्द्रले खिचेर ल्याएका फोटाहरू हेरेपछि निर्देशक बस्नेत पनि ढुक्क भएछन्, काजल म्याडम पाएकोमा । राजेन्द्र भन्दै थिए, 'अब त म आफंैलाई देख्दा पनि साँच्चिकै त्यस्तै छु कि जस्तो लाग्न थालेको छ ।'
प्रयोगात्मक शैलीमा गरिएको फिल्मको प्रमोसनल कार्यक्रममा डरलाग्दो भिलेन काजल म्याडमलाई तह लगाउने नायिका रेजिना उप्रेतीले पनि सुख
पाइनछन् । फिल्ममा हर्स राइडिङ -घोडा कुदाउने) देखि मार्सल आर्टस्का कलात्मक कौशल -तलको तस्बिर) देखाएकी भनिएकी उनको फिल्म पोस्टरमा 'फाङ' गरिएको फोटो उनको नभएको आरोप लगाउनेका लागि उनले कार्यक्रम स्थलमै प्रत्यक्ष त्यही रूप देखाइछन् । यति भएपछि उनको घोडा चढेको दृश्यको भने आवश्यकता महसुसै गरेछन्, उपस्थित दर्शकले ।
source:-kantipur
Kantipur Fm 
0 commentaires