काठमाडौँ, माघ ४- प्रधान मन्त्री माधवकुमार नेपालले सरकारले नेपाली सेनाका लागि नयाँ हतियार ल्याउन नलागेको जानकारी दिएका छन्। उनले विस्तृत शान्ति सम्झौताअनुरुप सेनाका लागि तालिमलगायत् अन्य अत्यावश्यक कामका लागि मात्र पूर्व सम्झौताअनुरुप हतियार आउन लागेको स्पष्ट पारे।
एकीकृत नेकपा (माओवादी) का अध्यक्ष पुष्पकमल दाहालसँग आज अपराह्न भएको भेटमा उनले यो जानकारी गराएका हुन।
भेटमा सहभागी गृह मन्त्री भीम रावलले सञ्चारकर्मीलाई सो जानकारी दिँदै सरकार–माओवादीबीच भएको तीनबुँदे सहमति कार्यान्वयन गर्ने विषयमा पनि छलफल भएको बताए।
उनले तीनबुँदे सहमति कार्यान्वयन गर्र्ने संयन्त्र बनाउने विषयमा पनि छलफल भएको जानकारी दिए।
माओवादीका नेता वर्षमान पुनले अनमिन फर्किएपछिको अवस्थाबारे प्रधान मन्त्री नेपाल र अध्यक्ष दाहालबीच कुराकानी भएको बताए।
- रासस


0 commentaires