६ माघ, घोराही । दाङका चार गाविस एक बर्षदेखि सचिबविहीन हुँदा सेवाग्राही मर्कामा परेका छन् । सचिव नभएका गाविसको काम अर्को गाविसका सचिबले गर्दै आएका छन् । एउटा सचिबले दुईवटा गाविसको काम भ्यानुपर्ने बाध्यताले दैनिक कामकाज प्रभावित हुनुका साथै सेवाग्राहीले पनि सास्ती बेहोर्नु परेको छ ।
दाङका हाँसीपुर, धनौरी, उरहरी र राजपुर गाविस एक वर्षदेखि सचिबविहीन छन् ।
जिल्ला बिकास समिति दाङका शाखा अधिकृत माधबप्रसाद सुबेदीका अनुसार सचिब नभएका गाविसका कामकाज नजिकको गाविसका सचिवलाई हेर्ने जिम्मेवारी दिइएको छ । उहाँका अनुसार अहिले रामपुर गाविसका सचिव केशवराज थापाले हाँसिपुर गाबिसको, श्रीगाउँ गाविसका सचिव टेकबहादुर खड्काले धनौरी गाबिसको पनि कामकाज गर्दै आउनुभएको छ । यस्तै बेला गाविसका सचिव मेघसिंह पछाइले राजपुर र टरिगाउँ गाविसका सचिवले उरहरी गाविसको कामकाज गर्दै आउनुभएको छ ।
एउटै गाबिस सचिबले दुईवटा गाबिसको काम गर्दा नागरिकताको सिफारिस, बिबाह दर्ता, सम्बन्ध बिच्छेद, जन्म तथा मृत्यु दर्ता गराउने जस्ता काम समयमा गर्न नसकिएको गाविस सचिबहरुले बताएका छन् ।
source:-onlinekhabar
Kantipur Fm 
0 commentaires