कपिल कोइराला/उज्यालो । काभ्रे, मंसिर २२ - काभ्रेको महादेबस्थान हिगुवापाटीका हर्कबहादुर राई दनुवारले कुटेर आफ्नै बाबुको हत्या गरेका छन भने आमालाई घाईते बनाएका छन् । हिगुवापाटीका ४५ बर्षिय दनुवारले घरायसी बिषयमा भएको विवादका क्रममा कोदालोले हानेर बाबु ७१ बर्षिय पदमबहादुर राई दनुवारको हत्या गरेका प्रहरीले जनाएको छ ।
कोदालाले लागेर घाइते भएका पदमबहादुरको उपचारका लागि काठमाण्डौं लैजाने क्रममा बाटोमा नै ज्यान गएको हो । छोराका कुटाईबाट घाईते भएकी आमा कान्छी राई दनुवारको बनेपाको शिरमेमोरियल अस्पतालमा उपचार भई रहेको छ । हत्या पछि हर्कबहादुर फरार छन् । हर्कबहादुरको खोजी भैरहेको काभ्रे प्रहरीले जनाएको छ ।
उज्यालो नाईन्टी नेटवर्क
0 commentaires