ट्रयाक्टर दुर्घटनामा १७ को मृत्यु, २० जनाजति बेपत्ता

२४ कात्तिक, सुनसरी । जनकपुरबाट तिर्थयात्री लिएर सुनसरीको पवित्र तिर्थस्थल बराहक्षेत्र जाँदै गरेको ट्रयाक्टर सुनसरीको झुम्कामा आज बिहान दुर्घटना हुँदा १७ जनाको मृत्यु भएको छ ।  अन्य सातजनाको घाइते अवस्थामा जीवितै उद्धार गरिएको छ भने अन्य २० जनाजति हराइरहेको प्रहरीले जनाएको छ । घाइतेहरुको इनरुवास्थित जिल्ला अस्पतालमा उपचार भइरहेको छ । मृतकमध्ये धनुषाकी सुनितादेवी महतोको मात्र सनाखत भएको छ । प्रहरी नायव उपरीक्षक यमुना रजकका अनुसार करिब ४५ जना तिर्थालु लिएर बराहक्षेत्र जाँदै गरेको ज १ त ४५५३ नम्बरको ट्रयाटर झुम्कास्थित मोरङ-सुनसरी सिञ्चाई आयोजनाको नहरमा खसेर दुर्घटना भएको हो । बराहक्षेत्रमा हरिबोधिनी एकादशीका दिनदेखि १० निदनसम्म मेला लाग्ने गरेको छ । घटनास्थलमा उद्धार र हराइरहेकाहरुको उद्धारमा प्रहरी र स्थानीयबासिन्दा खटिएका छन् ।

source:-onlinekhabar