अपहरणमा परेका युवकको हत्या

सर्लाही, कार्तिक २७ - नौ दिन अघि अज्ञात समूहद्वारा अपहरित सर्लाहीको शंकरपुर गाविस–७ का २८ बर्षीय विजय रायको  आइतबार हत्या भएको छ ।  हत्या गरेर सिमावर्ती त्रिभुवननगर गाविसको दसगजा नजिक फ्यालिएको अवस्थामा आज अपरान्ह्र प्रहरीले शव फेला पारेको हो ।  मोटरसाइकलमा घर जाँदै गर्दा औरही गाविसको ढ्यांग्रा खोला नजिकै १९ गते राति ५/६ जनाको समूहले उनको अपहरण गरेको थियो । ढाडमा एक गोली हानिएको र घाँटी थिचिएको अवस्थामा फेला परेको रायको शव उनको परिवारले सनाखत गरेको प्रहरी उपरीक्षक मोहनराज जोशीले बताए ।  प्रहरीका अनुसार भारततर्फ हत्या गरेर शव नेपाल तर्फ दशगजा भन्दा करिब १० फिट यता फ्यालिएको हो । शवसँगै अपहरणकारीले हत्या गर्नुको कारण खुलाएर पत्र समेत छाडेका छन् ।  अपह्रिरतले प्रशासनको सहयोग लिएकोले हत्या गरिएको पत्रमा उल्लेख भएको जोशीले बताए । 

source:-kantipur