महिला यौनकर्मी सुरक्षित यौन सम्पर्कतिर

२० साउन, काठमाडौं । महिला यौनकर्मीले विगतका तुलनामा सुरक्षित यौन सम्पर्कमा ध्यान दिने गरेको पाइएको छ ।  काठमाडौं र पोखरामा गरिएको सर्भेक्षणमा महिला यौनकर्मीले विगतका तुलनामा सुरक्षित यौन सम्पर्कमा ध्यान दिने गरेको पाइएको राष्ट्रिय एड्स तथा यौन रोग नियन्त्रण केन्द्रले जनाएको छ ।  सुरक्षित यौनसम्पर्कका लागि सन् २००४ मा काठमाडौँका ५७ प्रतिशतले कन्डम प्रयोग गर्ने गरेकामा हाल ७३ प्रतिशत पुगेको छ । पोखरामा ३५ प्रतिशत रहेकामा हाल ६१ प्रतिशत पुगेको उल्लेख छ ।  युएसआइडीको सहयोगमा गरिएको सर्भेक्षणमा काठमाडौंका ५९३ र पोखराका ३५४ महिला यौनकर्मीलाई सहभागी गराइएको थियो । सर्वोक्षणमा हाल काठमाडौंमा दुई प्रतिशत र पोखरामा तीन प्रतिशत एडस्का रोगी फेला परेको छ ।  यसैगरी सिरिन्जबाट लागुपदार्थ प्रयोग गर्ने काठमाडौंका ३४० र पोखराका ३४५ पुरुषमा गरिएको सर्भेक्षणमा सिरिन्जको पुनःप्रयोग गर्ने क्रम घटेको बताइएको छ । सन् २००२ मा काठमाडौँमा सिरिन्जबाट लागुपदार्थको प्रयोग गर्ने दुव्र्यसनी ६८ प्रतिशत रहेकामा हाल छ दशमलव तीन प्रतिशत रहेको तथा पोखरामा सन् २००३ मा २२ प्रतिशत रहेकामा हाल चार दशमलव ३ प्रतिशत रहेका छ ।  केन्द्रले गरेको छलफलमा सहभागीहरुले भने सर्भेक्षण गहिराइमा नपुगेको, लक्ष्यित वर्गलाई अनुसन्धानले समेट्न नसकेको, पीडितका समस्या यथावत् रहेको र दुई जिल्लालाई मात्र आधार बनाएर गरिएको सर्भेक्षणले समग्र नेपालको सर्भेक्षण नहुने बताए । रासस