वीरगन्ज,१९ असार । पर्साको परवानीपुरस्थित सिर्सिया नदी नजिक गएराति सशस्त्र समूह र प्रहरीबीच भिडन्त हुँदा सशस्त्र समूहका एक जिल्लास्तरीय नेता मारिएका छन् । गस्तीमा रहेको प्रहरीमाथि लक्षित गरी करिब पाँचजनाको समूहमा रहेको सशस्त्र समूहले आक्रमण गरेपछि प्रहरीले जवाफी कारबाही गर्दा उनको मृत्यु भएको जिल्ला प्रहरी कार्यालय पर्सर्ाा प्रहरी उपरीक्षक रमेश खरेलले जानकारी दिनुभयो । प्रहरीसँगको मुठभेडमा सशस्त्र समूहका जिल्लास्तरीय नेता मनिष सिंहको मृत्यु भएको पनि प्रहरी स्रोतले बताएको छ । उनी वीरगन्जमा विभिन्न बम विष्फोट, चन्दा आतङ्क तथा गोलीकाण्डको घटनामा समेत संलग्न रहेको पनि प्रहरीले दाबी गरेको छ । उनको शव पोष्टमार्टमका लागि नारायणी अञ्चल अस्पताल वीरगन्जमा राखिएको छ । घटनास्थलबाट प्रहरीले केही हतियारसहेत बरामद् गरेको र आफ्नोतर्फकुनै क्षति नभएको प्रहरी उपरीक्षक खरेलले जानकारी दिनुभयो । घटनाको विषयमा थप जानकारी आउन बाँकी नै रहेको पनि उहाँले जानकारी दिनुभएको छ ।रासस
समाचार
»
सशस्त्र समूह र प्रहरीबीच भिडन्त, एकको मृत्यु
सशस्त्र समूह र प्रहरीबीच भिडन्त, एकको मृत्यु
Tags:
समाचार
Kantipur Fm 
