गौर नगरपालिकाको कार्यालयमा महिने पिच्छे अधिकृतको सरुवा

सेवाग्राही मर्कामा

रौतहट२२। रौतहटको गौर नगरपालिकाको कार्यालयमा पटकपटक कार्यकारी अधिकृतको सरुवाका कारण सेवाग्रहीहरु मर्कामा पर्न थालेका छन् । नगरपालिकामा गठित राजनीतिक दलहरुले आ आफ्ना नजिकका कार्यकारी अधिकृत पठाउन मन्त्रालयमा दवाव दिन थालेपछि गौर नगरपालिकामा महिनो पिच्छे सरुवाहरु हुने गरेको छ । पटक पटक अधिकृत सरुवा हुने प्रवृति बढदै गएपछि कामकाज गर्न निकै समस्या भोग्नु परेको कर्मचारीहरुको गुनासो छ । विगत तीन वर्षा गौर नगरपालिकाको कार्यालयमा १२ जना निमित्त कार्यकारी अधिकृत नियुक्त भएर आएका छन् । मन्त्रालयले पालैपालो गरी जिल्ला प्राविधिक कार्यालयका अधिकांश कर्मचारीहरुलाई नगरपालिकाको निमित्त कार्यकारी अधिकृत पदमा बस्न मौका दिएको छ । तर्राईमा सशस्त्र संधर्षगरिरहेका भूमिगत समुहको त्रासका कारण मन्त्रालयबाट सरुवा भएर अरु नचाहेका कारण बाध्य भएर यसै जिल्लाका व्यक्तिलाई मन्त्रालयले पटक पटक निमित्त कार्यकारी अधिकृत पदको जिम्मेवारी दिने गरेको गौर नगरपालिकाका इन्जिनियर नागेन्द्र राय यादवले जानकारी दिनुभयो । 

जनकपुर टुडे बाट