दाँतको सफाइ गरे गर्भधारण चाँडै

Share

सामान्यतया मुखको दुर्गन्ध हटाउन र बलियो राख्न दाँतको सफाइ गरिन्छ । दाँतको हेरचाहले थोते हुनबाट मात्र हैन, महिलालाई चाडै गर्भवती हुन समेत मदत गर्ने हालैको एक अध्ययनले देखाएको छ । अनुसन्धानमा संलग्न डाक्टरहरुको अनुसार दाँतको खराबीले महिलामा बाझोपन हुने र गर्भधारण कम्तिमा पनि दुई महिनाले ढिलो हुने खतरा हुन्छ ।  प्रजननसम्बन्धि स्वीडेनमा भएको सम्मेलनमा गिजा समस्याबाट ग्रसित एक महिला पाँच महिनाको सट्टा सात महिनामा गर्भवती भएकोबारे छलफल भएको थियो । यसको मुख्य कारण महिलाको गिजा रोग रहेको सम्मेलनको निचोड छ । समयमै उपचार नगरिएको भए यसको असर शरिरमा समेत हुने जनाइएको छ । दाँत र गिजासम्बन्धि रोगले हृदय रोग, मधुमेह, गर्भपतन तथा पुरुषमा न्यून विर्य उत्पादन हुने पत्ता लागेको छ ।  दाँत तथा गिजा रोगको सम्बन्ध महिलाको गर्भधारणसँग हुन्छ भन्ने निष्कर्ष अहिलेसम्मकै पहिलो भएको अनुसन्धानका प्रमुख रोजर हार्टले बताए । त्यसैले आमा बन्न चाहने सबै महिलाहरुले नियमितरुपमा डेन्टिस्टको सेवा लिनु पर्ने सुझाब हार्टले दिएका छन् । यसैगरी, ३५ सय महिलाहरुमा गरिएको अष्ट्रेलियाको एक रिपोर्टअनुसार गिजा रोग भएका महिलाहरुमा रगतको मात्र उल्लेखनियरुपमा बढी भई शरिर सुन्निने गर्दछ ।  बेलायतका अर्का प्रजनन विशेषज्ञले भने आमा बन्नको लागि महिला पूर्णरुपले स्वस्थ हुनु पर्ने बताएका छन् ।

onlinekhabar