ताप्लेजुङ असार २८ वालिकालाइ वलात्कार गरेको अभियोगमा ताप्लेजुङ र पाँचथरमा ठाउँका तीन जना पक्राउ परेका छन् भने अन्य एक जना पक्राउपछि हत्कडी सहित फरार भएका छन् । ५ वर्षीया बालिकालाई जबरजस्ती करणी गरेको अभियोगमा ताप्लेजुङको डोकु–२ बस्ने १६ वर्षीय हर्क बहादुर मगरलाई प्रहरीले पक्राउ गरेको छ । ती अभियुक्तले असार २६ गते राति ८ बजे स्थानीय ती बालिकालाई जबरजस्ती करणी गरेको बताइएको छ । त्यस्तै पाँचथरको यासोक गाविस-१ की एक १३ वर्षीया बालिकामाथि जबरजस्ती करणी गरेको आरोप लागेका सराङडाडा गाविस-६ का १७ वर्षीय कृष्णबहादुर अधिकारी र सो कार्यमा प्रोत्साहन गरेको आरोपमा उनका बुवा ४३ वर्षीय बमबहादुर अधिकारी ०६८ असार २५ गते पक्राउ परेका छन् । चार दिन अघिबाट फरार रहेको अधिकारीसहित उनका बुवालाई घरबाटै पक्राउ गरिएको इलाका प्रहरी कार्यालय रविले बतायो । धनसम्पत्तिको लोभलालच देखाई घरैमा लगेर जबरजस्ती करणी गरेको भन्दै पीडितका बुवाले ०६८ असार २१ गते जिल्ला प्रहरी कार्यालयमा मुद्दा दर्ता गराएका थिए । प्रहरीमा मुद्दा दर्ता भएको थाहा पाएपछि अधिकारी फरार रहेका थिए । त्यसैगरि अनैतिक सम्बन्ध राखेको उजुरीको आधारमा प्रहरीले नियन्त्रणमा लिएका पाँचथरको लुङलुपा–२ बस्ने १८ बर्षीय कृष्ण बहादुर राई हत्कडीसहित फरार भएका छन् । सोही ठाउँ बस्ने एक महिलासँग अनैतिक सम्बन्ध राखेको उजुरीको आधारमा प्रहरीले उनलाई नियन्त्रणमा लिई असार २६ गते साँझ जिल्ला अस्पतालबाट स्वास्थ्य परीक्षण गरी फर्कने क्रममा बाटैबाट हत्कडीसहित भागेका हुन् । तीनै घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।
source:-पूर्वेली टाईम्स
Kantipur Fm 
