रिया र प्रिन्स बने लिटिल स्टार

काठमाडौँ । प्रिन्स श्रेष्ठ (बालक) र रिया श्रेष्ठ (बालिका) तर्फ ‘लिटिल स्टार-२०११’ को उपाधि हात पार्न सफल भएका छन् । राष्ट्रिय नाचघरमा जमल भएको अन्तिम प्रतिस्पर्धामा सर्वोत्कृष्ट स्थान हासिल गर्न सफल प्रिन्स र रियाद्वयलाई नायिका नम्रता श्रेष्ठले विजय अवार्ड दिनुभएको थियो ।  ग्रीन आर्ट मिडिया प्रा.लि.ले शनिबार आयोजना गरेको ‘लिटिल स्टार-२०११’ सातदेखि १२ वर्षसम्मका ४७ बालबालिकाले प्रतिस्पर्धा गरेका थिए । जसमध्ये बालकतर्फ १९ र बालिकातर्फ २८ जना सहभागी रहेका थिए ।    सो प्रतिस्पर्धामा श्रेया मालीले ट्यालेन्ट, कारोमी श्रेष्ठले चार्मिङ पस्र्नालिटी, रिसव पाण्डेले मोस्ट डिसिप्लिनको उपाधि हात पार्न सफल भएका थिए ।  सम्मान श्रेष्ठ र सनिया अधिकारीलाई फोटोजेनिकको उपाधि प्रदान गरिएको थियो भने आर्य खड्का बेस्ट ड्रेस, पुनम गुरुङ बेस्ट प्रोफोमेन्सको उपाधि आफ्नो नाममा पार्न सफल भएका छन् ।  त्यस्तै श्रृष्टि बराल मोस्ट क्युटि, लुमा श्रेष्ठ फेन्डन्सिप र महिमा जोशी ब्युटिफुल स्माइलको उपाधि हात पार्न सफल भएका छन् । अन्तिम प्रतिस्पर्धामा ४७ जना प्रतिस्पर्धी सहभागी भए पनि पहिलो चरणमा १५ जना र दोस्रो चरणमा छ जनाको छनोट गरिएको थियो ।  

onlinekhabar