१८ असार, इलाम । मेची राजमार्ग अन्तर्गत इलाम–पाँचथर सडकखण्डमा पर्ने पाँचथरको पन्चमी गाविस–३ मा गएराति भएको जीप दुर्घटनामा दुई जनाको मृत्यु भएको छ । अन्य पाँच जना घाइते भएका छन् ।
दुर्घटनामा पाँचथर पन्चमी–९ की तुलसी बजगाईं र पन्चमी–६ की विष्णुमाया शिबुको मृत्यु भएको प्रहरीले जनाएको छ । पाँचथर सदरमुकाम फिदीमबाट पन्चमी जाँदै गरेको मे१ज १०८८ नम्बरको जीप गएराति आठ बजे सडकबाट करिब पचास मिटर तल खसेर दुर्घटना हुँदा उनीहरुको घटनास्थलमै मृत्यु भएको हो । दुर्घटनामा घाइते भएकाहरुको धरानस्थित वीपी कोइराला स्वास्थ्य विज्ञान प्रतिष्ठानमा उपचार भइरहेको प्रहरीले जनाएको छ ।
यता चितवनको कविलासबाट शुक्रबार त्रिशुली नदीमा खसेर बेपत्ता भएको ट्रक र त्यसमा सवार व्यक्तिहरुको अवस्था अझै पत्ता लाग्न सकेको छैन । भैरहवाबाट खाद्यान्न लिएर काठमाडौँ आउँदै गरेको भारतीय नम्बरको मालबाहक ट्रकमा चालक, सहचालकसहित आर्का एक जना रहेको अनुमान छ ।
जिल्ला प्रहरी कार्यालय चितवनल अविरल बर्षासँगै नदीमा बाढी आइरहेकाले खोजिकार्य प्रभावित भएकोे जनाएको छ ।
onlinekhabar
Kantipur Fm 
0 commentaires