रमेशचन्द्र अधिकारी धनकुटा, जेष्ठ २० - पुर्वाञ्चलका विभिन्न जिल्लामा आज बिहान भुकम्पको महशुस गरिएको छ । बिहान ६.४० बजे करिब पाँच सेकेन्डसम्म भुकम्पको महशुस गरिएको स्थानीय प्रशासनले जनाएको छ ।
भुकम्पको झड्का पुर्वका धनकुटा, सुनसरी, तेह्रथुम, भोजपुर, संखुवासभा, पाँचथर लगायतका जिल्लामा सर्वसाधारणले महशुस गरेका छन् । कति मापनको भुकम्प गएको भन्ने हालसम्म कुनै निकायले जानकारी दिएका छैनन् । तर कुनै पनि स्थानमा यसबाट क्षति नपुगेको स्थानीय प्रशासनले जनाएको छ ।
पुर्वमा विभिन्न समयमा भुकम्प जाने गरे पनि हालसम्म यसको मापन गर्ने उपकरण नहुँदा तत्काल जानकारी पाउन समस्या परेको जिल्ला प्रहरी कार्यालय धनकुटाका प्रहरी नायब उपरिक्षक अरुणकुमार बिसीले बताउनु भयो । पुर्वमा पछिल्लो एक दशकमा दर्जनौं भुकम्पका झड्का महशुस गरिएका छन् । यस्तै २०४५ सालमा भुकम्पबाट सयौंको ज्यान गएको थियो भने करोडौंको धनमाल क्षति भएको थियो ।
भुकम्पको धक्का महसुस
आनन्द गौतम
ताप्लेजुङ २० जेठ - ताप्लेजुङमा सुक्रवार बिहान भुकम्पको धक्का महसुस गरिएको छ । बिहान ६ बजेर ३८ मिनेट जादा सुरु भएको भुकम्प ४० सेकेण्ड जती गएको थियो । भुकम्पले निकै ठुलो हल्लाएपनि त्यसले कतै क्षति भयो/भएन भन्ने यकिन अहिले सम्म भएको छैन । लामो समय सम्म एकै नासले गएकाले सदरमुकामवासिले घर बाट बाहिर निस्किएर हल्ला गरेको बताएका छन । बिहानै देखि पानी परेकोले थप समय गएको भए ठुलै क्षती हुनसक्ने सदरमुकामवासिको अनुमान छ ।
ekantipur
Kantipur Fm 
