सम्राट दाहालसँग बिबाह गरेपछि नेपालमै रहँदै आएकी नायिका मनिषा कोइरालाले नेपाली फिल्म निर्माण गर्ने भएकी छन् ।
पति दाहालसँगको सम्बन्धमा चिसोपना आएपछि हालै मुम्बई पुगेकी मनिषाले आफुले निकट भबिष्यमै नेपाली फिल्म निर्माण गर्न लागेको पुराना साथीहरुलाई सुनाएकी छन् । भारतबाट प्रकाशित एक दैनिक पत्रिकाले मनिषाले ‘माइ ग्रान्डमदर’ नामको सिनेमा बनाउन लागेको बताएको छ ।
आफ्नी हजुरआमाको जीवन कथामा आधारित सो चलचित्र कहिलेबाट निर्माण हुने भन्ने बिषयमा भने केही खुलाइएको छैन् । नेपाली चलचित्र क्षेत्रलाई उकास्ने उदेश्यले आफुले एक स्तरीय चलचित्र बनाउन लागेको मनिषाले बताएकी छन् । बिहेअघि दुर्गा पोखरेलको निर्माणमा बनेको चलचित्र ‘धर्मा’मा अभिनय गरेपनि सो चलचित्रले न चर्चा कमायो न त पैसा । नेपाली चलचित्रको हालको कथा, प्रबिधि र प्रस्तुतीबाट असन्तुष्ट रहेकी मनिषाले आफैंले चलचित्र निर्माण गरि स्तरीय बनाउन प्रोत्साहन गर्ने उदेश्य राखेकी छन् ।
तर, बिहे भएको एक बर्ष नपुग्दै बैबाहिक जीवनमा आएको खटपटले उनी निराश बनेकी छन् । आफुले सम्राटलाई बिहे अघि चिन्न नसकेको उनले आफ्ना निकट साथीहरुसँग गुनासो गरेकी छन् । यता सम्राटले पनि उनका केही पुरुषसाथीसँगको अन्तरङ्ग सम्बन्धले बैबाहिक जीवनमा समस्या ल्याएको बताउँदै आएका छन् । मनिषाले फेसबुकमै रिलेसन ब्रेक हुने मोडमा रहेको आशयका स्टाटस पोष्ट गरेकी छन् ।
तर, सम्राट भने पुराना कुरा बिर्सिएर श्रीमतिलाई घर फर्काउन चाहिरहेको बताइएको छ । उनीहरुको बैबाहिक जीवनमा आएको खटपटले पनि स्तरीय नेपाली चलचित्र बनाउने योजना अलपत्र परेको बताइएको छ ।
via onlinekhabar
Kantipur Fm 
0 commentaires