गैरनेपालीलाई नागरिकता दिने क्रम बढ्यो

वीरगन्ज, चैत्र १८ - पर्सामा पछिल्लो समयमा गैरनेपालीले नागरिकता लिने क्रम बढेको छ । ६ महिनामा जिल्ला प्रशासनमा २५ जना भारतीयले झुक्याएर नेपाली नागरिकता लिएको उजुरी परेको मुद्दा अधिकृत ललित झाले बताए । स्थानीय राजनीतिक दलकै सिफारिसमा गैरनेपालीले नागरिकता प्राप्त गरेकाले अनुसन्धानमा कठिनाइ भइरहेको प्रमुख जिल्ला अधिकारी नागेन्द्र झाले बताए ।

उनले भने, 'प्रारम्भिक अनुसन्धानमै असहयोग भएको छ ।' कर्मचारीलाई झुक्याएर नेपाली नागरिक बन्न सफल ५ जना भारतीयमाथि कारबाही भएको प्रशासन कार्यालयले जनाएको छ । ०६३ माघदेखि अभियानकै रूपमा गाउँ टोलमा नागरिकता टोली पठाई ३ जना नेपालीले आफ्नो नागरिकता नम्बर सहितको सिफारिस र स्थानीय ७ दलका नेताको सिफारिसमा नागरिकता बाँडिएको थियो ।

गत माघमा भारत, बिहारको पूर्वी चम्पारन, गोविन्दपुर थाना  सरैयापिपरा निवासी अमरेन्द्रकुमार जयसवालले नागरिकता टोलीमार्फत वीरगन्ज वडा १३ बाट ३४१०२२  नम्बरको नागरिकताविरुद्ध जयसवालको भारतीय रासन कार्ड लगायतको प्रमाणसहित प्रशासनमा उजुरी परेको छ । पूर्वी चम्पारनकै जैतापुर, लक्ष्मनवा निवासी नन्दकिशोर दास तत्वा र सुदामा साह तेलीले पर्साको सबैठवाबाट नागरिकता लिन सफल भएको स्थानीय रामबाबुप्रसाद चौरसियाले उजुरी दिएका छन् । उनीहरू फरार रहे पनि नागरिकताका लागि सनाखत गर्ने ससुरा बि्रजन दास तत्वालाई जिल्ला प्रशासन कार्यालयले तारिखमा राखी अनुसन्धान प्रक्रिया अगाडि बढाएको झाले बताए । गैरनेपालीले नागरिकता लिएको मुद्दा प्रशासनले चलाए पनि ठूलो संख्यामा नागरिकता लिनेहरू अझै निर्धक्क घुमिरहेको स्रोतको दाबी छ । गैरनेपालीद्वारा लिएको नागरिकता छानबिन प्रकरणमा प्रशासनले

सुस्तता देखाएको उजुरीकर्ताले गुनासो गरेका छन् ।

सीमावर्ती घोडासन, रक्सौल र सुगौलीबाट वीरगन्ज र आसपास क्षेत्रमा व्यापार व्यवसाय गरिरहेका अधिकांश भारतीयले नेपाली नागरिकता हासिल गरेपछि पछिल्लो समयमा घर बनाउन थालेका छन् । मालपोत कार्यालयको स्रेस्ताअनुसार सहरको पूर्व र पश्चिममा बसेको नयाँ बस्तीमा अधिकांश घर अभियानकै समयमा नागरिकता लिनेहरूको देखिन्छ । एक वर्ष पहिले धुरको २० हजार मूल्य पर्ने जग्गा अहिले लाखमा पुगेको छ । पारिपट्टकिो महँगो पर्ने जग्गा थोरै बिक्री गरे पनि यहाँ धेरै जोड्न सकिन्छ । यसका साथै

भारतीय सवारी साधनको प्रयोग पनि बढेको छ । नव नागरिकको

चहलपहलसँगै रैथाने पलायन हुन थालेका छन् । सुन व्यवसायमा नव नागरिकहरूले अहिले पकड बनाएको सुन व्यवसाय अमर राजभण्डारीले बताए । पुराना व्यवसायी धेरैले पेसा छाडिसके ।

source:-ekantipur