दिलीप पौडेल, बाग्लुङ,चैत ११- रक्तश्रावका कारण एक सुत्केरी महिलाको मृत्यु भएको छ। बाग्लुङ अस्पतालमा सुत्केरी भएकी दुदिलाभाटी-६की २८वर्षीय हरिकला थापा पुनको मृत्यु भएको हो।
अधिक रक्तस्राव भएपछि पोखराका लागि सिफारिश गरेपछि थप उपचारकोलागि मणिपाल अस्पताल पोखरा लैजाँदै गर्दा बाटोमै उनको मृत्यु भएको हो। थापाले जन्म दिएको शिशुको स्वास्थ्य भने राम्रो छ।
मणिपाल अस्पतालमा पुर्याएपछि अस्पतालले मृत घोषणा गरेको मृतककी बहिनी सीता थापाले बताइन्। सामान्य अवस्थामा सुत्केरी भएर बच्चा जन्माएकी थापाको एक्कासि रक्तश्राव भएर केस जटिल भएपछि पोखरा सिफारिश गरेको थियो। मृतक थापाका श्रीमान् लोकबहादुर पुन भारतीय सेनामा कार्यरत छन्।
थापाको अहिले जन्मेको यो दोस्रो सन्तान हो।
source:-nagriknews
Kantipur Fm 
0 commentaires