भक्तपुर, चैत्र १५ - साँगा चित्तापोलस्थित सबैभन्दा अग्लो शिवजीको प्रतिमास्थल मंगलवार अपरान्हदेखि खुलेको छ ।
माओवादी सम्बद्ध युनियन बनाउने बहानामा कर्मचारीले तलव वृद्धि र स्थायीको माग राख्दै गरेको तालाबन्दीका कारण गत एक सातादेखि शिवजीको मन्दिर दर्शन गर्ने गेट बन्द थियो ।
कर्मचारीहरुले माग पुरा नहुन्जेल काम नगर्न दिएको धम्कीका कारण मन्दिर जिर्णोद्धारको काम समेत ठप्प थियो । भारतबाट आएका कालिगढहरुद्धारा भईरहेको मन्दिरको निर्माणकार्य उनीहरु नर्फकने गरी गएका कारण अनिश्चित भएको छ । शिवजीको प्रतिमास्थलसंगै जोडिएका आयुवेर्दिक हेल्थ एण्ड होम्सका आर्युर्वेद चिकित्सकहरु पनि अवकाश लिएर गएका कारण तत्काल उक्त अस्पताल नखुल्ने भएको छ ।
कर्मचारीको हडतालकै कारण विना अपरेश मुटुको उपचार गर्ने पछिल्लो आधुनिक प्रविधि तत्काललाई चित्तापालमा नराखिने भएको छ । यसअघि मूर्ति निर्माता कमल जैनले ५० लाख भन्दा बढी पर्ने मेसिन चित्तापोलस्थित आयुर्वेद अस्पतालमा राख्ने तयारी गरेका थिए ।
मन्दिर र अस्पताल क्षेत्र एक सातादेखि बन्द हुँदा चित्तापोल क्षेत्रमा पर्यटकहरुको आवागमन ठप्प झै भएको थियो । हडताल लम्बिदै जाँदा चित्तपोल क्षेत्रको व्यपार व्यवशाय समेत प्रभाव भएपछि स्थानीयबासिन्दाले जबरजस्ती मन्दिर खुलाउने प्रयास गर्न लाग्दा कर्मचारी र मूर्ति निर्माता कमल जैन बीच सहमति भएको हो । कर्मचारी प्रतिनिधि र जैन बीच सहमति भएपछि मंगलवार अपरान्हदेखि खुलेको हो ।
source:-ekantipur
Kantipur Fm 
0 commentaires