झापाको गोलधाप स्थित भुटानी शरणार्थी शिविरमा आज बिहान आगलागी भएको छ । आलागिबाट शिविरका सात सय बढी छाप्रा जलेर नष्ट भएका छन् ।
बिहान आठ बजेतिर सेक्टर बी वान हट नम्बर १८ का नरेश तिम्सिनाको छाप्रोबाट आगलागि शुरु भएको थियो । आगलागिको कारण खुल्न नसकेको इलाका प्रहरी कार्यालय बिर्तामोडले जानकारी दिएको छ ।
गोलधाप शिविरमा यो सहित तेस्रो पटक आगलागि भएको हो । तीन बर्षअघि पनि शिविरमा आगलागि हुदाँ पाँचसय बढी छाप्रा डढेर नष्ट भएका थिए । आगो नियन्त्रणमा लिन दमक, भद्रपुर र मेचीनगरबाट बारुणयन्त्र खटिएका छन् । आगो निभाउन शरणार्थी , स्थानिय समूदाय र सुरक्षाकर्मी परिचालन गरिएको छ । आगलागिबाट भएको क्षतिको विवरण आउन बाँकी रहेको गोलधाप सहकर्मी तिलक निरौलाले जानकारी दिए ।
Kantipur Fm 
0 commentaires