स्याङ्जा, माघ २१ - श्रीकृष्णगण्डकी–८ स्थित बट्डाँडा भन्ने स्थानमा शेरबहादुर थापाको घरमा हतियारसहित लुटपाट गर्न आएका ३ जनालाई प्रहरीले हतियारसहितै पक्राउ गरेको छ। पक्राउ पक्राउ परेकामध्ये नारायण अर्यालसँग जनमुक्ति सेनाको परिचयपत्र पनि भेटिएको प्रहरीले जानकारी दिएको छ।
पक्राउ पर्नेहरुमा थुमपोखरा–८ कमलडाँडा बस्ने नारायण अर्याल, श्रीकृष्णगण्डकी–८ बस्ने आशाबहादुर लामा र सिउरुम–८ बस्ने साजन मगर छन्।
प्रहरीका अनुसार शुक्रबार बिहान सवा २ बजे केही व्यक्ति लुटपाट गर्न आएको भन्ने खवर प्राप्त हुनासाथ प्रहरी टोली खटी गई स्थानीयबासीको सहयोगमा युएसए लेखेको पेस्तोल १ थान, त्यसको गोली ३ राउण्ड, माछापुच्छ्रे ब्याङ्कको खाली चेक २ थानसमेत बरामद गरेको हो। त्यसैगरी प्रहरीले नारायण अर्यालको साथबाट जनमुक्ति सेनाको परिचयपत्र १ थान र युनिटी लाइफको परिचयपत्र १ थानलगायतका विभिन्न सरसामानसहित निजहरुलाई नियन्त्रणमा लिएको थियो।
यस सम्बन्धमा प्रहरीले आवश्यक अनुसन्धान गरिरहेको जनाइएको छ।
source:-nagriknews
Kantipur Fm 
0 commentaires