फलेवास -पर्वत, माघ २३ - जनता मावि, ९ कक्षामा अध्ययनरत प्रतीक्षा कुँवर यौन शब्द सुन्नासाथ पुस्तकले मुख छोप्थिन् । उनलाई यो शब्दै लाज लाग्ने हुँदा परिवार र साथीसँग समेत कहिल्यै खुलिनन् ।
उनीजस्तै मन्जु पौडेल पनि यौन र प्रजनन स्वास्थ्यबारे कुरा गर्न लजाउँथिन् । उनलाई यौन शिक्षाबारे जान्न्ो इच्छा हुँदाहुँदै पनि अरूले जिस्क्याउने डरले मनमै गुम्साएर राख्न बाध्य भएको
बताउँछिन् । वषार्ंैदेखि यौनबारे खुलेर गफ गर्न नसकेका किशोरी यति बेला भने निसंकोच गफ गर्ने भएका छन् । महिला तथा बालबालिका कार्यालयको सहयोगमा स्थानीय नवप्रतिभा महिला विकास बचत तथा ऋण सहकारी संस्थाले किशोरीका लागि जीवनोपयोगी सीप सिकाएपछि ३१ किशोरी प्रजनन स्वास्थ्यबारे जानकार भएका हुन् ।
'पहिला लाजले प्रजनन स्वास्थ्यबारेमा पढाउँँदा सुन्नै नपरोस् भन्ने लाग्थ्यो,' १५ वषर्ीया अस्मिता शर्माले भनिन्, 'अहिले थाहा भयो, यसबारे जान्नै पर्दोरहेछ ।' उनले सानै उमेरमा यौन सम्पर्क गर्न नहुने र ललाइफकाई कसैले यौन सम्पर्कका लागि करकाप गर्छ भने त्यस्तो समयमा आफू सुरक्षित बन्नुपर्ने बताइन् ।
किशोर अवस्थामा हुने शारीरिक परिवर्तनबारे समेत जानकारी गराइएको थियो । 'म त पहिला शारीरिक अंगमा परिवर्तन आउँदा लाजले आमालाई समेत भन्न सक्दिनथेँ,' सुमन परियारले भनिन्, 'अबदेखि सबै कुरा परिवारलाई भन्नेछु ।' तालिममा १३ देखि १९ वर्षका किशोरीको सहभागिता थियो ।
'सुरुमा समस्या राख्न लगाउँदा सबै किशोरी मुख छोपेर बस्थे,' प्रशिक्षक उमा पौडेलले भनिन्, 'अहिले भने खुलेर राख्छन् ।'
किशोरीमा आत्मविश्वास बढाउन आयोजित तालिममा शारीरिक अंगको विकास, सानो उमेरमा यौन सम्पर्क राख्दा आउने समस्या, जबरजस्ती गर्नेबाट बच्ने उपायबारे जानकारी दिएको थियो ।
source:-kantipur
Kantipur Fm 
0 commentaires