मधु शाही काठमाडौ, फाल्गुन २ - टिनएजमा गिटारकै भरमा र्याप स्टार बन्ने सपनामा लागिपरेका सुरेश महर्जन एकाएक शास्त्रीय रागतिर तानिए । संगीतप्रतिकै झुकावले नेपाल ललितकला क्याम्पसमा भर्ना भएका उनी प्रमाणपत्र दोस्रो वर्षसम्म आइपुग्दा भने पूरै यी २३ वषर्ीय ठिटो पूरै शास्त्रीय संगीतमा डुबे । उनी अहिले क्याम्पसमा शिक्ष्ाक नआउँदा पनि तबलामा औंला खेलाइरहेका भेटिन्छन् ।
तबलाको तालको तीव्रतासँगै उनको पूरै टाउको नै नाच्न थाल्छ । 'यसैमा हराऊँजस्तो लाग्छ,' उनले केही समय तबलाका हातलाई शान्त पार्दै स्वयं जिज्ञासा राख्छन्, 'यसको मजा गिटारमा कहाँ पाइन्छ र ।' उनी दुई वर्षदेखि 'ब्रोकन विन्डोज' ब्यान्डका गिटारिस्ट पनि छन् ।
शास्त्रीय संगीतमा बढ्दै गएको उनको झुकावलाई पुष्टि गर्दै महर्जन भन्छन्, 'शास्त्रीय संगीत जान्नु आवश्यक रहेछ ।' उनी र्यापलाई संगीतको एक अंश मात्रै मान्छन् । शास्त्रीय संगीत नियममा बाँधिएको हुनाले पनि साधना नगरी चर्चित हुन चाहनेले सिक्न नसक्ने उनको ठम्याइ रहेछ ।
आमा-बुबाका एक्ला छोरा उनीलाई 'संगीतमा भविष्य नभएको' भन्दै घरबाट खासै समर्थन नभए पनि यसैमा संघर्ष गरिरहने महर्जनको सोच रहेछ । त्यसो त उनलाई आफ्नै ब्यान्डका सदस्यले पनि 'बाजेको पालको बाजा' सिकेको भन्दै खिसी गर्नेका लागि कुनै गुनासो छैन । भन्छन्, 'शास्त्रीय संगीतको गहिराइमा डुब्नेलाई मात्र थाहा हुन्छ, यसको रहस्यमयी विशालता ।'
सिन्धुपाल्चोककी १८ वषर्ीया मञ्जु उपास्ना -विके) शास्त्रीय संगीत सिक्नै भनेर दुई वर्षअघि राजधानी छिरेकी हुन् । गायनमा होमिएकी उनी भविष्यमा सफल गायिका बन्ने बाटोमा लागिरहेकी छिन् । उनकै साथी केदार नेपालीको पनि लक्ष्य त्यही छ, शास्त्रीय संगीतमा उत्कृष्ट गायक बन्ने । त्यसैले पनि उनी स्वर बिग्रन्छ कि भनेर प्रायः खानपानमा विशेष सर्तक रहन्छन् । उनी भन्छन्, 'ंगायन मेरो प्यासन हो ।'
उता, रामेछापका २४ वषर्ीय प्रेमकुमार सदाशंकर पनि गायक बन्ने धुनमा शास्त्रीय संगीतमा होमिएका छन् । 'सानोमा खेतखेतै गीत गाँउदै हिड्थें,' उनी भन्छन्, 'सबै छाडेर संगीतमा लागेको छु ।' उनी एक वर्षदेखि कलानिधि इन्दिरा संगीत महाविद्यालयमा सिकिरहेका छन् ।
सिर्जना कलेज अफ फाइन आर्टस् प्रमाण पत्र दोस्रो वर्षमा अध्ययनरत विना केसीसंग भविष्यमा के बन्ने भनेर सोध्योे भने उनको मुखबाट 'गायिका कोइलीदेवीजस्तो बन्ने,' उत्तर आइहाल्छ । 'तारादिदीको गीतबाट प्रभावित छु,' उनले भनिन्, 'रियाज गर्दा पनि उहाँकै गीत बढी गुनगुनाउँछु ।'
source:-ekantipur
Kantipur Fm 
0 commentaires