१७ मंसिर, सर्लाही । जनतान्त्रिक तराई मुक्ति मोर्चा (राजन मुक्ति समूह)का केन्द्रीय सदस्य निरन्जन चौधरीलाई प्रहरीले हतियारसहित पक्राउ गरेको छ । सर्लाहीको सुन्दरपुर चौहर्वा पिप्राभिट्टास्थित ससुराली घरमा बस्दै आएका उनलाई प्रहरीले नलकटुवा पेस्तोल र त्यसका गोलीसहित पक्राउ गरेको हो । चौधरी डकैती, हत्या, अपहरणका घटनामा संलग्न रहेको प्रहरीले जनाएको छ ।
यसैबीच, महानगरीय प्रहरी आयुक्तको कार्यालयबाट सादा पोसाकमा खटिएको प्रहरी टोलीले नलकटुवा पेस्तोल, गोलीलगायत हातहतियारसहित दुईजनालाई पक्राउ गरेको छ । काभ्रे जिल्ला शिशाखानी-८ का पेमा लामा र सिन्धुपाल्चोकको बासवारी-७ का राजु तामाङलाई काठमाडौंको बागबजारबाट पक्राउ गरेको हो ।
यसैगरी, तिनथाना गाउँ विकास समिति-९ मा पार्किङ गरी राखेका बसमा तोडफोड गरेको अभियोगमा सिन्धुपाल्चोकका राजु खड्कासहित ६ जनालाई पक्राउ गरिएको छ । अभियुक्तहरुले कान्तिपुर यातायातका बसका दुईवटा गाडीमा गएराति तोडफोड गरेका थिए ।
Source :- Onlinekhabar









0 commentaires