बेग्ला–बेग्लै दुर्घटनामा दुईको मृत्यु, २८ घाइते

१९ साउन, सुनसरी । मुलुकका विभिन्न स्थानमा गएराति र आज बिहान भएका बेग्ला–बेग्लै दुर्घटनामा दुई जनाको मृत्यु भएको छ भने २८ जना घाइते भएका छन् ।  र्पूर्व-पश्चिम राजमार्ग अन्तर्गत मोरङको ईन्द्रपुरमा दुई मोटरसाइकल आपसमा ठोक्किएर दुर्घटना हुँदा एकजनाको मृत्यु भएको छ । दुर्घटनामा अर्का एकजना घाइते भएका छन् । को६प २५६६ र को७प ३५८ नम्बरका मोटरसाइकल गएराति आपसमा ठोक्किँदा झापा तोपगाछी-४ का ६० वर्षीय नरबहादुर श्रेष्ठको मृत्यु भएको हो । दुर्घटनामा परी घाइते भएका मोरङ केराबारीका भक्तबहादुर श्रेष्ठको स्थानीय स्वास्थ्य संस्थामा उपचार भइरहेको छ ।  यसैबीच पूर्व–पश्चिम राजमार्ग अन्तर्गत सिराहाको लहानमा बिहीबार बिहान भएको यात्रु बस दुर्घटनामा २५ यात्रु घाइते भएका छन । घाइतेमध्ये चालकसहित पाँचको अवस्था गम्भीर रहेको प्रहरीले जनाएको छ । काठमाडौंबाट धरानका लागि छुटेको ना४ख ४३६७ नम्बरको बस उच्च गतिका कारण सन्तुलन गुमाई सडक किनारामा पल्टिएको हो । दुर्घटनामा घाइते भएकाहरुको लाहान जिल्ला अस्पताल र मकवानपुर जिल्ला अस्पतालमा उपचार भइरहेको छ ।  यता चितवनको भरतपुर-१० हाटबजार नजिकै ना३ख ९३५९ नम्बरको यात्रु बसको ठक्करबाट पैदलयात्री भरतपुर १० सिनर्जी चोकका ३६ वर्षीय बिष्णु रानाभाट विमला रानाभाट घाइते भएका छन् । घाईतेमध्ये विष्णुको अवस्था गम्भीर रहेको जिल्ला प्रहरी कार्यालय चितवनले जनाएको छ । दुवै घाइतेको भरतपुर अस्पतालमा उपचार भइरहेकोे छ ।

source:-onlinekhabar