१९५० को नेपाल भारत मैत्रि सन्धी संशोधन र परिमार्जन हुन नसक्ने

काठमाडौ,१५ साउन।नेपाल सरकारका उपप्रधान तथा परराष्टूमन्त्री उपेन्द्र यादवले नेपाल र भारतको सम्बन्धको आधार बनेको सन् १९५० को नेपाल भारत मैत्रि सन्धी संसोधन र परिमार्जन हुनै नसक्ने बताएका छन् । रिपोर्र्टर्स क्लब नेपालले शनिवार आयोजना गरेको साक्षात्कारमा मन्त्री यादवले भने-१९५० को सन्धी संसोधन र परिमार्जन गर्ने आधार नै छैन । उनले नेपालका राजनीतिक दलहरुले लोकप्रियातको लागि सडकमा सन्धी खारेजीको नारा लगाउने गरेको आरोप लगाउँदै प्रत्यक्ष भेटवार्तामा भारतसँग सो विषयमा कुनै पनि सरकार र दलहरुले कुरा उठाउने हिम्मत गर्न नसकेको दावी गरे । भारतसँगको कुराकानीमा कसैले खारेज गर्नु पर्ने भनाई राख्ने हिम्मत गरेका छैनन उनले भने । १९५० को सन्धीको विषयमा भारत सरकार खुला रहेको उल्लेख गर्दै उनले भने- नेपाल कस्तो सम्बन्ध र सन्धी चाहन्छ त्यसका लागि भारत तयार छ । खुल्ला सिमानाका कारण नेपाल र भारतवीचको सम्बन्धमा जटिलता र अविश्वास देखा परे पनि त्यसको समाधान कुटनीतिक माध्यमबाट खोज्नु पर्ने उल्लेख गर्दै यादवले सम्बन्धलाई सडकको नारा बनाउने कार्य उचित नभएको तर्क गरे । जनकपुर टुडे