केटी बेच्ने पक्राउ

Share

भक्तपुर, ४ साउन :मानव बेचबिखन तथा ओसारपसार मुद्दामा अदालतले दोषी ठहर गरी फरार रहेका एकजनालाई मानव बेचबिखन कार्यमा सक्रिय रहेको आरोपमा महानगरीय प्रहरी वृत्त थिमीले पक्राउ गरेको छ । प्रहरी वृत्त थिमीका प्रहरी नायब उपरीक्षक राजन अधिकारीले गोस्र्याङ–२ नुवाकोटका ४६ वर्षीय जयसिंह तामाङलाई थिमीको निकोसेराबाट पक्राउ गरिएको बताउनुभयो ।अभियुक्त तामाङले सामरी–५ नुवाकोटबाट कामको खोजीमा साँखु आएर बसेकी तामाङ थरकी महिला र उनकी १६ वर्षीया छोरीलाई २० दिनदेखि मध्यपुर थिमी नगरपालिका–३ निकोसेरामा ल्याएर राखेको अवस्थामा तामाङलाई प्रहरीले पक्राउ गरेको हो । महिलासँग बिहे गर्ने र छोरीलाई विदेश पठाइदिने भन्दै ललाइफकाई राखेको अवस्थामा पीडित महिला र आफन्तलाई शङ्का लागेर प्रहरीलाई खबर गरेपछि प्रहरीले तामाङलाई कोठाबाटै पक्राउ गरेको हो । अभियुक्त तामाङले नुवाकोटकै जमुनी राई तामाङको मिलोेमतोमा सात युवतीलाई बिक्री गरेको आरोपमा दुई वर्षअघि नुवाकोट जिल्ला अदालतले मानव बेचबिखन तथा ओसारपसार मुद्दामा दोषी ठहर गरेकामा तामाङ फरार थिए ।

source:-mechikali