२१ जेठ ।र्सलाहीको कर्मैया ९ स्थित जिरायतमा सुकुम्बासीले बनाएको ९० घर टहरा शुक्रबार वन परियोजना र प्रहरी प्रशासनले जलाएर नष्ट गरेको छ । वन क्षेत्रको जग्गा अतिक्रमण गरी घर बनाएको र पटक पटक चेतावनी दिँदा समेत बस्ती नहटाएपछि आफूहरुले बाध्य भएर आगो लगाउनु परेको प्रहरीले जनाएको छ । यता सुकुम्बासीको हक हितमा काम गर्दै आएको भूमिअधिकार मन्चले भने वन परियोजनासँग पटकपटक सहमति भएको भए पनि आफूहरुसँग सल्लाह नै नगरी एक्कासी सुकुम्बासी बस्तीमा आगो लगाएको भन्दै निन्दा गरेको छ । विभिन्न समयमा परियोजना, जिल्ला वन, प्रहरी प्रशासन लगायतसग अर्को व्यवस्था नभएसम्म खाली तथा ऐलानी जमीनमा घर टहरा बनाएर बसेका सुकुम्बासीलाई नहटाउने सहमति भएको भए पनि सहमतिलाई उल्लङ्घन गरी वषर्ात्को समयमा घरमा भएका अन्नपात, लत्ताकपडा तथा भाडाकुडा समेत निकाल्न नदिई बस्तीमा छिरी आगो लगायको प्रति घोर निन्दा गरेको छ । घट्नाका दोषीलाई कार्वाही गर्नु पर्ने र पिडीतलाई क्षतिपूर्तिको माग पनि अधिकार मंचले गरेको छ ।अर्को व्यवस्था नभएसम्म सुकुम्बासीलाई नहटाउने सहमति भएको तर नयाँ सुकुम्बासीलाई वन क्षेत्र अतिक्रमण गरी बसोवास गर्न दिने सहमति नभएकोले आफूहरुले त्यस्ता सुकुम्बासीको टहरामा मात्र आगो लगाएर नष्ट गरेको सागरनाथ वन परियोजना प्रमुख तीर्थराज चन्दले बताउनुभयो ।घर टहरासगै बिहान साँझ खाने अन्न तथा लत्ताकपडा जलेर नष्ट भएपछि सुकुम्बासीहरु बिचल्लीमा परेको स्थानीय बलराम बस्नेतले जानकारी दिनुभयो ।
janakpurtoday
Kantipur Fm 
0 commentaires