छोरासागै छोरीको पनि व्रतबन्ध

रामनारायण विश्वास सप्तरी, ५ वैशाख  सप्तरीका एक दम्पतीले छोरासँगै छोरीहरूको पनि ब्रतबन्ध गरिदिएका छन्। बकधुवा-७ का एक दम्पतीले आफ्नी छोरीको छोरा सरह व्रतबन्ध गरिदिएका हुन्।  धार्मिक रूपमा समेत छोरीहरूलाई छोरासरह अधिकार र मान्यता रहेको तथ्य स्थापित गर्न बकधुवा-७ का दुर्गा भट्टराई र विमला भट्टराईले आफ्नी सात वर्षीया छोरी मेन्जिना भट्टराईको हिन्दू परम्पराअनुसार व्रतबन्ध गरिदिए  । 

भट्टराई दम्पतीका दुई छोरी मात्र छन्। 'सनातन हिन्दू धर्मले छोरा-छोरीबीच कुनै भेदभाव नगरेको सुन्दै आएको थिए', मेन्जिनाका बुवा दुर्गाले भने, 'छोरीले व्रतबन्ध गरी जनै लगाउने इच्छा गरेकाले पण्डितहरूसँग सल्लाह गरेर उनीहरूले सहमति जनाएपछि छोरीको व्रतबन्ध गरिदिएको हुँ  ।' व्रतबन्धअघि उनले सप्ताहव्यापी श्रीमद्भागवत महापुरण तथा शान्ति यज्ञको समेत आयोजना गरेका थिए  । भागवत महापुराण वाचन गर्न आएका पण्डित कँुवेर सुवेदीद्वारा नै छोरीको कानमा गायत्री मन्त्र उच्चारण गरिएको भट्टराईले बताए। उनका अनुसार छोरी मेन्जिनालाई पण्डित सुवेदीले नै जनैसमेत लगाइदिएका थिए। छोरासरह छोरीको व्रतबन्ध गरिएको सप्तरीमा यो पहिलो घटना भएको भट्टराईको दाबी छ　। 'छोरा-छोरीबीचको भेदभाव अन्त्यका लागि मात्रै भाषणमा नभई सबैलाई आ-आफ्नो ठाउँबाट केही न केही उदाहरणीय काम गर्नुपर्ने खाँचो छ। समाजमा एउटा सकारात्मक सन्देश पुर्‍याउने उद्देश्यले छोरीको व्रतबन्ध गरिदिएको हु,' भट्टराईले भने । 

source:-nayapatrika