धर्म जागरण महासभाद्वारा मुलुक हिन्दु राष्ट्र घोषित

काठमाडौं, वैशाख ५ - राजधानीमा जारी राष्ट्रिय धर्म जागरण महासभाको अन्तिम दिन आइतबार नेपाललाई हिन्दु राष्ट्रको घोषणा गरिएको छ। हिन्दु राष्ट्रको माग गर्दै वैशाख एक गते देखि जारी महासभा आइतबार पाँच बुँदे घोषणापत्र जारी गर्दे सम्पनन भएको छ।      आइतबार शहिदमञ्चमा आयोजित घोषणामासभामा नेपाललाई हिन्दुराष्ट्र घोषणा गरिएको छ। घोषण पत्रमा मुलुकमा सनातन ज्ञानविज्ञान विश्वविद्यालयको स्थापना र सञ्चालन गर्ने, सम्पूर्ण जातिजनजातिको उत्थानका काम गर्ने, प्रयोगात्मक शिक्षा र साधनाका लागि सङ्गठनका केन्द्हरू स्थापना गर्ने र विश्वभरका सबै आस्थावानलाई कुनै भेद्विना समता र ममताका साथ आस्था प्रकट गर्ने बुँदा रहेका छन रहेका छन्। महासभाका संयोजक शंकरप्रसाद पाण्डेले घोषणापत्र बारे बताउदै नेपाललाई विश्वसामूू फेरी हिन्दुराष्ट्रको रुपमा अस्तित्वमा ल्याउनु पर्ने बताए। उनले नेपालका सम्पूर्ण नेपालीलाए घोषणापत्र पारित गर्न अनुरोध गरे। 'सम्पूर्ण नेपाली जनताबाट यसलाई अनुमोदन गर्न हामी हस्ताक्षर संकलन गर्नेछौं,' उनले भने। आयोजकले आगाी दिनमा पनि हिन्दु राष्ट्रकालागि संघर्षका कामहरू गर्ने जनाएका छन्।  हिन्दुराष्ट्र घोषणा गर्न आयोजना गरिएको सभामा नेपाल तथा भारतको वनारसबाट विभिन्न गुरुहरूले नेपाल हिन्दुराष्ट्र घोषणा हुनुपर्छ भन्ने अभिव्यक्ति दिएका थिए । कार्यक्रममा जगतगुरू बालसन्त मोहनशरण देवाचार्य, वनारसका विभिन्न विश्वविद्यालयबाट आएका कमलेश झा, गोपालप्रसाद अधिकारी, हाकिमप्रसाद भण्डारी,लेखनाथ आचार्य लगाएतका सन्तहरूको उपस्थिती थियो। महासभामा नेपालका स्वामी चन्द्रेश, ज्ञानानन्द, भागवताचार लगायतको सहभागिता थियो।

source:-nagriknews