जनकपुर, चैत्र ६ - मिथिला नाट्यकलाले शनिबार यहाँ आयोजना गरेको महामूर्ख सम्मेलनमा सुपरिचित राजनीतिक समिक्षक सिकेलाल महामूर्ख घोषित भएका छन् ।
नाट्य संगित प्रज्ञा प्रतिष्ठानका प्राज्ञ रमेश रञ्जन झा, नेपाल प्रज्ञा प्रतिष्ठानका प्राज्ञ रामभरोस कापडि र नाटककार महेन्द्र मलंगियाले उनलाई काउलीको माला, प्रशस्ती पत्र तथा प्रेमोपहार प्रदान गरेर वर्ष २०६७ को महामूर्ख घोषणा गरेका थिए ।
यसै गरी प्राज्ञ रमेशरञ्जन झालाई मूर्खाधिराज, अर्का प्राज्ञ रामभरोस कापडिलाई पट्टमूर्ख, जनकपुर नगर पालिकाका पूर्व प्रमुख बजरंगप्रसाद साहलाई चौपटानन्द , प्रमुख जिल्ला अधिकारी डा.कमलेश्वर सिंहालाई सोटाचन्द, एसएसी नवराज सिलवाललाई हराशंख, एसपी दीनेश अमात्यलाई लभलाईटीश, सशस्त्रका एसपी कविराज श्रेष्ठलाई पोपटलालको पदवी प्रदान गरिएको थियो । कायक्रममा बृहत्तर जनकपुर क्षेत्र विकास परिषदका प्रमुख दीगम्वर राय,प्रा,परमेश्वर कापडि, साहित्यकार शीतल झा ,रुद्रकुमार झा मडई र इन्जिनियर सुभाषचन्द्र साहलाई पनि विशेष मान पदवी प्रदान गरेर सम्मानित गरिएको थियो । सम्मानित व्यक्तित्वहरुलाई तरकारीको माला , प्रमाणपत्र र प्रेमोपहार प्रदान गरिएको थियो ।
कार्यक्रममा हास्य कवि गोष्ठी, फागु गीत तथा हाँस्य क्षणीका पनि प्रदर्शन गरिएको थियो । हजारौंको सहभागितामा सम्पन्न कार्यक्रमबारे प्रकाश पार्दै सम्मानित व्याक्तित्व सिके लालले भनेका थिए, ‘आत्म आलोचना गर्ने मिथिलाको पुरानो परम्परालाई निरन्तरता दिन खोजिएको अनुभव गरे ।’
कायक्रका प्रमुख अतिथि प्राज्ञ रमेश रञ्जन झाले आधुनिकीकरण संगै ओझेलमा पर्दै गएको मैथिली संस्कृतिलाई जगेर्ना गर्न मिनापले चलाएको यस अभियानको प्रशंसा गरे । उनको कथन थियो,‘मुलुक भित्रका साहित्य, कला र संस्कृतिको जगेर्ना गर्न राज्यले सकारात्मक भूमिका खेल्नु पर्छ ।
मिनापका पूर्व अध्यक्ष सुनिल मिश्रको निर्देशनमा मन्चित दुई नाट्य क्षणीका दर्शकलाई मन्त्र मुग्ध पारेको थियो भन्ने मिनाप अध्यक्ष सुनिल मल्लिक र राम नारायण ठाकुरको युगल जोडीले गाएको फागु गीतमा सिंगै कार्यक्रम स्थल एकाकार भएका थिए ।
source:-ekantipur
Kantipur Fm 
0 commentaires