९ माघ, काठमाडौं । भक्तपुरको मध्यपुरठिमी नगरपालिकाका बासिन्दाले अरनिको राजमार्गअन्तर्गतको शंखधर साख्वा चोकमा सडक अबरुद्ध पारेका छन् ।
ठिमी चारदोबाटोमा ट्याक्टरको ठक्करबाट प्राध्यापक मोहन प्रजापतिको हिँजो मृत्यु भएपछि मृतकका आफन्त र स्थानीयबासीले उचित राहत तथा दोषीलाई कारबाही माग गर्दै आइतबार विहान नौं बजेदेखि सवारी आवागमनमा रोक लगाएका हुन् ।
६ लेनको सडक बनेपछि पनि दुर्घटना न्युनिकरणमा स्थानीय प्रशासनले चासो नदेखाएको भन्दै स्थानीयबासी हातमा प्लेकार्ड लिएर सडकमा उत्रिएका छन् । सडक अबरुद्ध भएपछि काठमाडौंबाट अरनिको राजमार्ग हुँदै भक्तपुर, काभ्रे, सिन्धुपाल्चोक, दोलखालगायतका स्थानमा जाने यात्रुहरु बीचबाटोमै अलपत्र परेका छन् ।
६ लेनको सडक निर्माण भएपछि पहिलोपटक सडक अबरुद्ध भएको हो ।
source:-onlinekhabar


0 commentaires