रमेश खतिवडा, दोलखा, माघ ८- समाजसेवामा लागेकी पूर्वयुवराज्ञी हिमानी शाह दुई दिने स्वास्थ्य शिविर लिएर पुःन दोलखा आएकी छन्। दोलखाको नाम्दु गाउँलाई कार्यक्षेत्र बनाएर काम सुरु गरेको उनको गैरसरकारी संस्था हिमानी ट्रष्टमार्फत् नर्भिक अस्पताल सगँको सहकार्यमा दुई दिने निशुल्क स्वास्थ्य शिविर लिएर हिमानी दोलखा आएकी हु्न्। उनका साथमा नर्भिक अस्पतालका डाक्टर भरत रावतसहितको बिशेषज्ञ टोलीसमेत शुक्रबार चरिकोट आइपुगेको छ।
ट्रष्टले शनिबार र आइतबार स्वास्थ्य चौकी नाम्दुमा स्वास्थ्य शिविर सञ्चालन गर्ने जनाएको छ। यसअघि ट्रष्टले शुक्रबार बेलुका जिल्लाका कार्यालय प्रमुखसगँ अन्तक्रिया गरेको थियो। कार्यक्रममा जिल्लास्थित राजनितिक दलका प्रमुखलाई निम्ता गरिएको भए पनि कुनै राजनीतिक दलका प्रमुख एवं प्रतिनिध गएनन्। अन्तरक्रियामा जिल्लाका सिडिओ गणेश भट्टराई, डिएसपी धिरजप्रताप सिंहलगायत आधा दर्जन सरकारी कार्यालयका प्रमुख पुगेका थिए।
यसअघि अन्तरक्रियामा सिडिओ भट्टराई, डाक्टर रावल ट्रष्टकी अध्यक्ष हिमानी लगायतले बोलेका थिए। हिमानीले दोलखाबासीको माया पाएर तेस्रो पटक आफू संस्थामार्फत् स्वास्थ्य शिविर लिएर आएको बताइन्।
हिमानीका साथमा पूर्वराजपरिवारका सदस्य एवम ट्रष्टका पदाधिकारीहरु प्रेरणा, सिताष्मा लगायतसमेत आएका छन्।
गैरसरकारी संस्था दर्ता गरेर चार महिनाअघिदेखि समाजसेवामा लागेकी हिमानीले दोलखाका नाम्दु गाउँलाई नमुना गाउँ बनाउने अभियान लिएर पहिलो चरणको कार्यएक्रम सञ्चालन गरिरहेको छ।
source:-nagriknews


0 commentaires