राजेश हमालसँग विहे भएकै होः वालकुमारी

विजय आवाज  चितवनकी प्रहरी हवल्दार वालकुमारी अधिकारीले राजेश हमाल आफ्नो पति भएको भन्दै हनुमान ढोकामा पुगेपछि सुरु भएको हमाल बिहे काण्ड अझै सेलाएको छैन् । सोमबार सरकारी बिदा परेर उजुरी दिन नपाएको भन्दै पत्नी दावी गर्ने बालकुमारी मंगलबार फेरि हनुमान ढोका पुगेर हमाल आफ्नै पति भएको दाबी दोहोराइन् । हनुमानढोका परिसरमा पुगेकी वालकुमारीले के के भनिन् र के के गरीन् त ?  राजेश हमाललाई मंगलवार आफूले उनकै निवास कपुरधारा अगाडि भेटेको उनको दावी छ । उनले भनिन्, ‘मंगलवार मैले उहासँग घरवाहिर भेटँे, तलाई मैले छोएको पनि छैन भन्दै कराउनुभयो । मैले उहालाई हामी वसेर कुरा गरौं भन्दा उहाँले मान्नुभएन । यसपछि म हनुमानढोका आउन वाध्य भएँ,’ उनको भनाई छ । वालकुमारी आफूहरु विच ५२ सालमा विहे भएको दावी दोहोर्याउन पछि पर्दिनन् । उहाँ र म विचमा यस्तै तिन चार महिना प्रेम भएपछि विहे गरेका हौँ, मलाई उहाँले सिन्दुर हालिदिउँ त भन्दै सोध्नुभयो, मैले पनि हुन्छ भने अनि उहाँले सिन्दुर हाल्दिनुभयो । यसपछि उहाँ र म विच धेरै पटक भेट भएको छ वालकुमारी भन्छिन् । उनले आफूसँग भएका ३ सन्तान पनि हमालकै भएको दावी दोहोर्याएकी छिन् । वालकुमारीले स्कुलमा आफ्ना छोरीहरुको नाम भने आमा अर्थात आफ्नो नाममा दर्ता गरेको वताईन् ।  परिआए छोराछोरीको डि.एन.ए परिक्षण गर्नुर्हुन्छ भन्ने प्रश्नमा वालकुमारीले सुरुमा त यसको अर्थ वुझिनन् । तर, पछि अर्थ वुझाईदिएपछि उनले आफु तयार रहेको वताइन् । विहे भएपछि वारम्वार आफुले हमाललाई भेट्न खोजेपनि नपाएको उनको गुनासो छ । उनका १०, ७ र ५ उमेरका तिन सन्तान रहेको वुझिएको छ । वालकुमारीले तपाई मानसिक रुपमा कमजोर हुनुहुन्छ अनि औषधि खादै हुनुहुन्छ रे भन्ने प्रश्नमा भनिन्, जर्वजस्ती मानसीक अस्पतालमा लगेर औषधी खुवाईदिए त तपाइलाई पनि पागल भन्छन् जङ्गिइन । तपाईृको त श्रीमान् हुनुहुन्छ रे भन्ने प्रश्नमा बालकुमारी भन्छिन- त्यो गुन्डा हो, मलाइ फकाएर मुम्वईमा वेच्न लान खोजको थियो ।  वालकुमारीले वारम्वार हमाललाई श्रीमान दावी गरिरहँदा पनि हमालले भने कुनै प्रतिक्रिया दिएका छैनन् । उनले यो हल्ला भएको भन्दै यसवारेमा खासै प्रतिक्रिया नदिने वताएका छन् ।

source:-onlinekhabar