जोनकी नयाँ

मुम्बई (एजेन्सी), कार्तिक ३० - बंगाली बाला विपाशा बसुसँग वर्षौंको सम्बन्धलाई तिलाञ्जली दिएका जोन अब्राहम त्यस लगत्तै अर्कीसँग सल्केको कुरो बेलुन फुले जसरी फैलिरहेको थियो । त्यो गाइँगुइँ फोकटमा उब्जेको रहेनछ ।  बलिउडका ह्यान्डसम बडी स्टारले अन्ततः आफ्नी नयाँ गर्लप|mेन्डलाई सबैसामु ल्याएका छन् । उनकी नयाँ पि्रयतमाको नाम हो- पि्रया मारवाह । केही समयदेखि नै जोन-पि्रया निकटताबारे बडो चर्चा हुँदै आएको थियो । तर जोनले यो सम्बन्धलाई लुकाउँदै आएका थिए । तर यो साता नयाँ गर्लप|mेन्डसँग हातमा हात मिलाई सार्वजनिक समारोहमा सहभागी भएर उनले सबैलाई अवाक् बनाइदिए ।  जोनले गर्लप|mेन्ड प्रदर्शनीका लागि यही समय किन रोजे होलान् ? रिलिज तरखरमा रहेको 'देशी ब्वाइज' को आकर्षण बढाउन खोजेका त होइनन् ? हुन पनि सक्छ । उनको पछिल्लो फिल्म 'फोर्स' हलमा कहिले लाग्यो र कहिले उत्रियो, सायदै ठूलो समूहले थाहा पायो । र, यो सिलसिला दुई/चार फिल्मको मात्रै होइन ।

 सफलताको यस्तो खडेरी परेका बेला जोनले प्रेमिकाको अनुहारको सहारा लिएका हुन सक्छन् ।    त्यो समारोहमा बढी समय जोन र पि्रयाले एकअर्कालाई समाइरहेका थिए । मानौं उनीहरू एक पल पनि एकअर्काबाट छुट्टनिै चाहिरहेका छैनन् । विपाशासँगको उनको १० वर्ष लामो सम्बन्ध केही महिनाअघि मात्र टुटेको हो । विपाशाले परिवारको आग्रह भन्दै बिहे गर्न दबाब दिएपछि जोनले अर्कै बाटो समाएका थिए । केही सातायता विपाशा पूर्वब्वाइप|mेन्डसँग नजिकिन थालेको कुरो एक कान दुई कान मैदान भइरहेका बेला ३९ वर्षे अभिनेताले पनि पि्रयालाई काखी च्यापेर पूर्वगर्लप|mेन्डलाई चुप लगाइदिएका छन् ।