मंसिर १०, काठमाडौं नेपाल र भारतबीच भोली दोहोरो कर हटाउने सम्बन्धी सम्झौता हुने भएको छ । भारतीय विदेशमन्त्री प्रणव मुखर्जी भोली नेपाल आएपछि दुई देशबीच सो सम्झौता पत्रमा हस्ताक्षर हुने भएको हो । त्यसको तयारीका लागी भारतीय विदेशसचिव रञ्जन मथाई आज काठमाण्डौ आइपुग्नुभएको छ । उहाँले आज अपरान्ह नेपाल सरकारका मुख्य सचिव माधव घिमिरेलाई भेटी सम्झौताको तयारीवारे छलफल गर्नुभएको छ।
यसअघि प्रधानमन्त्री बाबुराम भट्टराईको भारत भ्रमणका क्रममा तुलनात्मक रुपमा नेपाललाई फाइदा पुग्ने दोहोरो कर हटाउने सम्बन्धी सम्झौतामा हस्ताक्षर नगरी विप्पा सम्झौता गरेको भन्दै प्रतिपक्ष दलले सरकारको आलोचना समेत गरेका थिए । भारतले विशेष प्राविधीक कारण देखाएपछि प्रधानमन्त्री बावुराम भट्टराइको भारत भ्रमणका क्रममा सो सम्झौतामा हस्ताक्षर हुन सकेको थिएन ।
नेपाल बसाइका क्रममा मुखर्जीले राष्ट्रपति रामवरण यादव, प्रधानमन्त्री बाबुराम भट्टराई र प्रमुख दलका शिर्षस्थ नेतासंग भेटवार्ता गरि नेपालको पछिल्लो राजनीतिक घटनाक्रमका साथै शान्ति प्रक्रियाका विषयमा पनि छलफल गर्नुहुने बताइएको छ ।
Kantipur Fm 
0 commentaires