पीसिएफ शिक्षकको बिरोध र्‍याली

साउन ८ सर्लाहीको मलंगवामा आज पीसिएफ शिक्षकहरुले आफ्नो हक हितको माग गर्दै र्‍याली निकाल्दै शिक्षा कार्यालय र जिल्ला प्रशासन कार्यालयमा ज्ञापन पत्र बुझाएको छ । शिक्षकहरु आंशिक शिक्षकलाई पूर्ण गर,एक शिक्षकलाई ५० विद्यार्थी बापतको तलब दिउ, आंशिकलाई पूण गरेर मात्र ०६८ सालको पीसिएफ कोटा बितरण गर,अन्तराष्ट्रि मजदुर माहासन्धी अनुसार ज्याला दारी दिउ तथा समान कामको लागि समान ज्याल दिनु पर्ने माग गर्दै शिक्षकहरु आन्दोलित भएको पीसिएफ शिक्षक दिपक गौतमले जानकारी दिनुभयो । जिल्लामा हाल केहि बर्षदेखि पूर्ण पीसिएफ कोटा बितरण नगरी आंशिक कोटामात्र बितरण गएको शिक्षक देबेन्द्र कार्कीले जानकारी दिए । आंशिक तलब दिदां एउटा मजदुर भन्दा पनि कम भएको र आफुहरुलाई गुजारा गर्न कठिनाई भएको कार्कीको भनाई रहेको छ । शिक्षकहरुले आफुहरुको मागलाई दूइ दिन भित्र सम्बोधन नगरिए श्रावण ११ गते देखि अनिश्चितकालीन चरणबद्ध आन्दोलनका कार्यक्रमहरु गर्न बाध्य हुने भनि जानकारी पीसिएफ शिक्षक संर्घष्ा समितिका अध्यक्ष राम नरेश राय यादवले बताउनुभयो ।