गोही उद्धार गर्दा सशस्त्रका जवानको ज्यान गयो

Share

२४ असार, नवलपरासी । नवलपरासीस्थित गण्डक नहरमा फेला परेको गोही उद्धार गर्ने क्रममा घाइते भएका एक सशस्त्र प्रहरी जवानको उपचारका क्रममा शुक्रबार मृत्यु भएको छ । अर्का एक जवान गम्भीर घाइते अवस्थामा उपचार गराइरहेका छन् ।  चितवनस्थित वन्यजन्तु आरक्ष केन्द्रको कसराबाट नारायणी नदीहुादै गण्डक नहरमा आएको गोही सुरक्षित स्थानतर्फ लैजाँदै गर्दा ट्रकबाट खसेका सशस्त्र प्रहरी सीमा सुरक्षा बल गुठी परसौनीमा कार्यरत सहायक हवल्दार हर्कबहादुर महराको काठमाडौँमा उपचारका क्रममा ज्यान गएको हो ।  ट्र्रकमा राखेर त्रिवेणी रेन्ज पोष्ट लैजाँदै गरेको अवस्थामा गोहीले आक्रमण गर्न खोजेपछि ट्रकबाट हाम फाल्ने क्रममा लडेर महराको टाउकोमा गम्भीर चोट लागेको थियो । उनको मेडिकल कलेज भैरहवामा उपचार हुन नसकेपछि काठमाडौं रेफर गरिएको थियो ।  महराको उपचारकै क्रममा काठमाडौंमा आज ज्यान गएको सशस्त्र प्रहरी बल सीमा सुरक्षा बल गुठी परसौनीका प्रहरी निरीक्षक केदारजंग राणाले बताए ।