देवु बानिँया आज विहान ७ बजेदेखि गोलधाप शरणार्थी शिविरमा लागेको आगो अहिले नियन्त्रणमा आइसकेको छ ।
झापा मेचीनगरको १ दमकल भद्रपुरको २ वटा दमकको १ धरान र इटहरीबाट आएका १ १ दमकल र प्रहरी, स्थानियवासीको सहयोगले आगो नियन्त्रणमा आएको हो । गोधलाप शिविरमा रहेका ७०० टहरामध्धे ६०० टहरा जलेर खरानी भएका छन् ।
आगलागीमा धेरै घाईते पनि भएका छन् । घाईतेहरुलाई नेपाल रेडक्रस सोसाईटी झापाले उद्धार गरिरहेको छ ।
तेस्रो मुलुकमा भएको पुनस्थापनाका कारण उक्त शिविर आउँदो अप्रिल पहिलो सातादेखि बन्द गर्ने तयारी भइरहेको थियो । हाल त्यहाँ करिव चार हजार जनसंख्या रहेको छ ।
रेडक्रस र कन्काई अस्पतालले क्याम्पमा अस्थाई शिविर पनि सञ्चालन गरिरहेको छ ।
बि.सं. २०६४ सालमा भएको आगलागीबाट उक्त शिविरका सबै छाप्रा जलेको थियो । त्यस बेला छाप्राहरु दमकलसमेत छिर्न नसक्ने गरी बनाइएका कारणा आगो नियन्त्रणमा लिन कठिनाइ भएको निष्कर्ष निकालिएपछि पछि दमकल गुड्न सक्ने गरी छाप्राहरु बनाइएको थियो ।
 |
| Image Coutesy:- Gopal Kafle From Facebook |
Kantipur Fm 
