काठमाडौ, मंसिर १४ -
कमलपोखरीस्थित सिटी सेन्टरका लिफ्ट र स्कालेटर -विद्युतीय भर्याङ) सदाझैं आइतबार साँझ पनि तल-माथि गर्दै मानिस ओसारिरहेका थिए । फरक के थियो भने ती खचाखच भरिएका लिफ्ट र स्कालेटरका मानिस छेउछाउका पसलमा झुन्ड्याइएका सुन्दर लत्ताकपडातिर भन्दा भुइँतल्लातिर एकोरिएका थिए, जहाँ एक हुल तन्नेरीहरू बि-बोइङका अनेक तमासा देखाउन तल्लीन थिए ।
हिप-अप म्युजिक र दर्शकको हुटिङबीच सिटी सेन्टरको ग्राउन्ड फ्लोरमा एक-अर्कालाई चुनौती दिँदै बि-बोइङ गरिरहेका बि-ब्वाई समूहलाई नहेरी बस्नेहरू विरलै थिए । टाउको भुइँमा टेकेर फनफनी घुमेको, रोबोटझंै इलेक्ट्रो म्युजिकमा टक्क रोकिएको या एक हातको सहारामा पूरै शरीर अड्याएर म्युजिकको ताल पछ्याइरहेको नृत्यबाट आँखा हटाउन असम्भव थियो । बेलाबेला देखिने रोचक जिमनास्टिक तथा एक्रोबेटिक मिश्रति 'पावर मुभ्स', 'पि|mजेस' र 'सुसाइड' डान्स शैलीले दर्शक झन् उत्साहित बन्दै गए ।
'कति खतराजन्य हुँदोहरेछ यो नृत्य' लिफ्टमा उभिएर, च्यापिएर या बरन्डामा अडेस लाएर बस्नेहरूबीच चर्चा सुनिन्थ्यो, 'कति खतरा मोल्न सकेको होला ?' यहीबेला एक प्रतियोगी सामान्य दुर्घटनामा परे । रमाइलोका लागि भेलाहरूमा एकछिन् सान्नाटा छायो । सिटी सेन्टरको ग्राउन्ड फ्लोरमा बि-बोइङ प्रतियोगिता भइरहेको थियो, ब्याटल राउन्डमा आ-आफ्नो नृत्यकौशल प्रदर्शनी गरिरहेको बेला चिउँडोमा लागेको चोटबाट चुहेको रगत सफा गर्न केही छिनलाई प्रतियोगिता नै रोक्नुपर्यो । तर, दुर्घटनाबाट झस्किएका दर्शकलाई फेरि नृत्यको सुन्दरता देखाउन अन्य बि-ब्वाइज्ले डान्सफ्लोरलाई थप तताइहाले । चौथो तलाको बरन्डासम्म खचाखच दर्शकले फेरि ताली बजाए- 'वान्स मोर, वान्स मोर ।'
कुनै हलिउड फिल्मको स्टि्रट डान्स प्रतिस्पर्धामा देखिने माहोलझै लाग्ने बि-बोइङ प्रतियोगिताले दुई वर्षअघि मात्र नेपाल भित्रिएको यो स्पोर्ट नृत्य नेपाली दर्शकबीच नौलो नभएको भान पनि दिलाइरहेको थियो । सिटी सेन्टरले आयोजनामा भएको प्रतियोगितामा सहभागी समूहले तीन राउन्डसम्म प्रतिस्पर्धा गर्नुपर्यो । 'तन्नेरीहरूमाझ बि-बोइङ चिनाउन र उनीहरूलाई स्थान दिन प्रतियोगत गरेका हौं,' सिटी सेन्टरका ब्रान्ड एक्जुकेटिभ श्रीया शाक्यले भनिन्, 'यो माहौलले हामीलाई साँच्चिकै खुसी दिलाएको छ ।'
बि-बोइङ समुदायमा बिस्तारै चर्चाको शिखर चढिरहेका समूहहरू उसु बि-ब्वाई, स्याडो एप्स, सुपर ब्वाइज्, स्वाट, स्लामबस्ट बि-ब्वाई, अन्डरग्राउन्ड बि-ब्वाई गरी १६ समूहले प्रतियोगितामा प्रस्तुति दिए । यीमध्ये फाइनल राउन्डमा पुगेका चार समूहले बि-ब्वाई निशान्त गौचनको 'ह्युमन बिटबक्स' म्युजिक तालमा प्रतिस्पर्धा गरे । प्रतियोगितामा उनीहरूले देखाएको फुटवर्क, स्टाइल, पावर मुभ्स, म्युजिक र कोरियोग्राफीका आधारमा विजेता छानिएको थियो ।
सुरुदेखि नै डान्स टेक्निकमा राम्रो प्रदर्शनी गरेको 'क्रु हिमाल'ले सबैलाई उछिन्यो । 'ब्याटल नट्ज क्रु' र 'एभरेस्ट बि-ब्वाई'ले क्रमशः दोस्रो र तेस्रो स्थान हासिल गरे । यी विजयी समूहले सर्टिफिकेटका साथ क्रमशः सात हजार रुपैयाँका साथ दुई सेट जी फाइभ मोबाइल, पाँच हजार र तीन हजार रुपैयाँ नगद हात पारे । रकमका साथै उनीहरूले थ्रीसिक्स्टी डिग्री गेमिङ जोनबाट प|mी कुपन र फन फ्याक्ट्रीबाट फिल्म टिकट पनि पाए ।
अमेरिकी बि-ब्वाई मोन्टी प्याटरसनले प्रतियोगितामा निणर्ायकको भूमिका निभाएका थिए । दुई वर्षभित्र नेपालमा बि-बोइङले लिएको उचाइदेखि प्रभावित यी अमेरिकी नागरिकले नेपाली बि-ब्वाईहरूमा रहेको लगावको प्रशंसा गर्दै भने, 'उनीहरूमा यो नृत्यप्रति धेरै 'प्यासन' छ ।' केही समययता नेपाल ब्रेकडान्स फाउन्डेसनसँग आवद्ध रहेर नेपालका युवा बि-ब्वाईलाई नृत्य सिकाइरहेका उनले थप सुधारका लागि 'परर्फमेन्स प्रवृत्तिमा ध्यान दिनुपर्ने' सल्लाह पनि दिए
source:-kantipur
Kantipur Fm 
